Death is not the worst; rather, in vain To wish for death, and not to compass it


Sophocles (electra(

عن الارتيكاريا الحاده

الارتيكاريا هى اكثر انواع الحساسيه انتشارا وقد ترتبط بانواع من الطعام او بحساسيه لمواد معينه او بحاله نفسيه تصيب الانسان مريض الارتيكاريا لا يكف عن حك نفسه معتقدا ان هذا علاج ناجح لالامه فى حين ان حقنه ادرينالين واحده او اى مضاد هيستامين هيقوم بالواجب وزياده

الارتيكاريا ايضا هى عرض دائم الوجود عند اغلب الرجال تصيبهم حاله غير عاديه من الذعر الفزع من مجرد ذكر كلمه حقوق المرأه هى نفسها حاله مريض الحساسيه عند تعرضه لاى من مسبباتها
تجدهم يهبون للدفاع تلقائيا مستعينين بنموذج معبأ من الاقوال وربما بعض الامثال الشعبيه القديمه والسؤال هو لماذا ؟........ما هو يا ترى قد الضرر الذى يقع عليك من مطالبتى بحقوقى ...لماذا حاله الفزع غير المبرره ...هل هى نوع شائع من الفوبيا فوبيا المرأه مثلها كالخوف المرضى من المرتفعات او الظلام او الاماكن المغلقه
هناك مفهوم غربى هو feminism phobia وهو يعنى الخوف المرضى من استقلاليه المرأه
يرتبط هذا المفهموم بمفهوم اخر مفهموم غلط فى مجتمعاتنا هو feminism ولو حدث وسألت اى من معادييها عن معنها سيتوقف عن الكلام لحظه ثم يعيد انشاد الاسطوانه المشروخه الفيمنيزم ثقافه دخيله علينا .....الخ تدعو للتحرروالانحلال التام كما فعلت المرأه الاوربيه والامريكيه !!!!
ولو اخذ من وقته الثمين 3 دقائق فقط لا غير قبل ان يهب للدفاع التلقائى وتصفح القاموس سيجد ان الفيمينزم لا يعنى سوى ان المرأه مساويه سياسيا واجنماعيا واقتصاديا بالرجل فيها حاجه دى ولكن تجد البعض يجد ايضا فى ذلك ثقافه دخيله ودعوه للانحلال هنا لا يصبح هناك ما يمكن قوله فالعنصريه عاده لا ينفع معها الاقناع .
لى صديقه فيس بوكيه لست على معرفه شخصيه بها ولكنها صحفيه متميزه اتابع بشغف مقالاتها فى المصرى اليوم هى هبه العفيفى والتى صدر لها كتاب مؤخرا بعنوان صرخات انثويه جريئه يميزه الاسلوب الحر والصراحه المطلقه هو اقرب الى تساؤلات فلسفيه بلغه عاميه تشد وعلامات استفهام كثيره تطرحها الكاتبه ليس بصوره واضحه ولكن تحملها كلماتها ويبدوا ان معدى برنامج شبابى شهير لم يعطوا نسخه لمذيعى البرنامج واكتفوا بالقول ان فى واحده من بتوع المرأه جيالكم النهارده لتجد هجوما غير مبررا ومقاطعه مستمره لم تتوقعها بالطبع هبه العقيقى ولم تستعد لها وكيف ستكون وهى ذاهبه الى لقاء تتحدث فيه عن كتابها الجديد لا لتدافع عنه
>>اذا دار حوار بجانبك فى العمل فى الجامعه فى القهوه الى تحت بيتكم وجاءت فيه بالصدفه سيره حقوق المرأه او المرأه بصوره عامه ستجد على الاقل عده رجال يتحمسون للدفاع التلقائى حتى بدون معرفه محتوى الحوار الدائر
وستجد العديد ممن ستر الله بلاويهم يأخذون جانب الدفاع التلقائى اسضا ويحدثونك بالقران والسنه والتى اجزم انها الايات الوحيده التى يحفظونها عن ظهر قلب وهى على حالها ليس بها من شئ يقلل مكانه المرأه او ينتقص من حقوقها ولكنهم كما ينتقصون من حقوق زوجاتهم واخواتهم وبناتهم ينتقصون من هذه الايات ايضا بما يوافق اهوائهم لانعاش احساس وهمى بالتفوق فتجد احدهم وهو فاشل تماما فى كل ما يفعله ولا يستطيع حتى ادراك ابسط الامور وعندما يفكر فى قراءه كتاب فيختار كلمات اغانى تامر حسنى 2009 لكنه وضع كل علامات التعجب والاستنكار التى تريدها يظن انه افضل من حامله للدكتوراه ولما لا وهو ولد ذكرا وكأن له يد فى ذلك وتجده يضع قواعد تعسفيه لشقيقته الدكتوره والتى تكبره بعده اعوام ويتدخل بكل كبيره وصغيره فى حياتها ليشعر حينها بامتلاء وهمى وفخر وهمى ايضا وتيه زائف بنفسه !!
لست ضد الرجل ولم اكن كذلك يوما فقط انا اقول كفوا عن خوفكم المرضى من المرأه كفوا عن ربط ثقتكم بانفسكم بها لكى لا تولدوا لدينا فوبيا مماثله ضد الرجل.

سؤال مهم
من هى فتكات؟
عندما كنت فى بدايات اعدادى لدعوات كلنا ليلى لهذا العام فى اول مشاركه لى معهم بدأت بدعوه اصدقائى من المدونين ومن المدونات لتفاجئنى واحده منهن بجمله شغلتنى عده ايام
"بس انا مش ليلى انا فتكات"
مما دفعنى جديا للتفكير فى من تكون فتكات؟
انا اعرف عزيزتى ليلى جيدا هى ترمز لالاف الفتيات ممن يحاولن بناء شخصيه مستقله فى ظل مجتمع يعتمد العديد من الاساليب المتنوعه لاعاقه ذلك ليلى تسعى لايقاظ المجتمع لجعله يتقبل من هى ويتقبل طموحها المشروع اما فتكات فهى ايضا فتاه مستقله بذاتها ولكنها لا تسعى لتقبل المجتمع فان تقبلها فليكن وان لم يفعل فلا يهم كثيرا هى هكذا ولا يهمها موافقتكم من عدمها...ورغم انى ليلى فى الصميم الا انى احمل من فتكات الكثير ايضا.

كلنا ليلى 2009

عزيزتي المدوِّنة / عزيزي المُدوِّن ،

هل أنت راضٍ \ راضية عن وضع المرآة في عالمنا العربيّ ؟

هل تتمتع المرأة العربية بكافة حقوقها وتحظى بمكانتها المرجوة؟

هل تعاني المرأة العربية من الإضطهاد وسوء المعاملة؟

ماذا ينقص المرأة في عالمنا العربي وما الذي لا ينقصها؟‬

‫أسمعنا صوتك وشارك معنا في حملة " كلنا ليلى"!


أرسلُ لك هذه الرسالة آملاً ( آملةً) أن تشاركينا / تشاركنا حملةً تدوينية سنطلقها فى ديسمبر/ كانون الأول القادم بعنوان "كلنا ليلى" تهدف إلى حث المجتمعات التدوينية العربية على الحديث عن وضع المرأة في مجتمعاتنا العربية.

انطلقتْ فكرة "كلنا ليلى" عام 2006 بمبادرة مدوِّنة مصرية باسم "لستُ أدري" بالإضافة الى العديد من المدوّنين في العالم العربي. و تتلخص فكرتها في دعوة المدونين العرب إلى التعبير عن آرائهم ومشاهداتهم فيما يتعلق بوضع المرأة العربية بكل حرية وصراحة، خاصة في ظل التأثير المتصاعد للإعلام الجديد على مجتمعاتنا متمثلاً في المدونات. وقد رأينا ذلك الأثر في الأعوام الماضية حيث اهتمت صحف ووسائل إعلامية عدة بالمبادرة منها الجزيرة والبي بي سي وصحيفة المصري اليوم والدستور وغيرهم.

هدفنا من هذه الحملة المساهمة في إثراء الحوار حول حياتنا الإجتماعية العربية وما يتخللها من نجاحات أو إخفاقات. ونؤكد أن الفكرة ليست للترويج لثقافة أو قيم بعينها، ولكنها دعوة لنقد ومراجعة سلوكياتنا اليومية برغبة حقيقية في التغيير. ندعوك للمشاركة معنا سواء كنت ممن يعتقدون أن مجتمعاتنا محافظة إلى حدٍّ كبير، وتُعطي الأفضلية للرجل وتقلل من شأن المرأة وحريتها، أو كنت ممن يؤمنون أن مجتمعاتنا منفتحة وأنها أعطت المرأة نصيبها من الحقوق بما يكفي.

المشاركة متاحة ومفتوحة للجميع نساءاً ورجالاً، وللجميع مطلق الحرية في إبداء الرأي بأي من وسائل التعبير المتاحة: مقال، فكرة، صورة، تصميم، قصة ، أو أي شكل آخر. ويمكنك كذلك أن تختار بين النشر في مدونتك الخاصة أو النشر في المدونة الرئيسية للحملة.

ليست هناك أية قيود سواء على الموضوعات أو الأفكار المطروحة، أو اللغة المستخدمة (رغم تفضيلنا للغة العربية لتكون اللغة الرسمية للمبادرة)، كما يمكن للمشاركة أن تكون مكتوبة أو مسموعة أو مرئية. كل ذلك مرحبٌ به ما دام صاحبه مؤمناً به ومسئولاً بشكل شخصي عن الدفاع عن آرائه أمام وجهات النظر المضادة ومستعداً كذلك لتغييرها إن اقتنع بأوجه القصور فيه.

متى وكيف ؟

وفي عامها الرابع ستنطلق المبادرة يوم ..... وتستمر أسبوعاً فتنتهي يوم......، كما أنها وعلى عكس الأعوام الماضية ستشمل دولاً عربية مختلفة – عدا عن مصر – كفلسطين وسوريا والأردن والمغرب وغيرها.

فى حالة موافقتك على الإشتراك أو للإستفسار عن المزيد، أرجو أن ترسل / ترسلي إقتراحاتك أو أسئلتك على البريد الإلكتروني:

magi(at)kolenalaila(dot)com

يمكنك ايضا زيارة موقعنا:

http://kolenalaila.com


وشكراً لإهتمامك،

مجموعه من الرسائل القصيره

هقول ايه غير ان الفضا بيعمل اكتر من كده


الناس الزباله كتير والزباله مكانها سله الزباله


لما يبقى اسمى يتأمم يبقى من حقك تستغله لكن غير كده هو بتاعى انا بس وحصريا

مفيش حاجه اسمها عادى يعنى

لما بيكون حد فاضى من جوه بتبقى هوايته انه يفضى الناس التانيه ميعرفش او متعرفش انه بكده بيعلن وبكل وضوح انا فاضى وزباله يا جماعه

الطبع يغلب التطبع والى فيه داء مبيبطلوش

متحاوليش ترضى كل الناس لان فى النهايه لا هيبقالك لا طعم ولا لون


ليلى غلبانه متحاربوهاش عشان مضطرش تبقى فتكات وساعتها بقى ....

كلنا ليلى

سواقين التاكسى .....انواع

يمكن لان المشى مش هوايتى المفضله حتى لو المكان الى رايحاه قريب او لان الشوارع لا تصلح للمشى او لانى بتكعبل فى الهوا فمابالك بالمطبات والحفر والحجات الغريبه الموجوده فى الشارع مجموعه من الاسباب المجتمعه بتخلى المشى فى الشارع مش نشاطى المفضل بالتالى التاكسى هو وسيله المواصلات المريحه بالنسبه لى يمكن ده خلانى familiar ب category من البشر اسمه سواقين التاكسى وعلى مدى السنين توصلت لتصنيف لطيف لانواع السواقين فى 6 مجموعات رئيسيه لسواقى التاكسى
المجموعه a
مسجلى الخطر


السواق فى الحاله دى بيكون مميز بقصه شعر شعبان عبد الرحيم وقصه نازله على وشه وشعره ملزق ومحطوط عليه حجات غريبه ليها ريحه نفاذه تقريبا نوع جيل او حاجه وعينيه مفتوحين على اخرهم مع ارتفاع بؤبؤ العين لاعلى -تقريبا بتأثير المخدر- كنت فى الاول ابص لقوق واقول الراجل ده بيبص على ايه بس خلاص بقى اتعودت
شئ اساسى ومميز للنوع ده هو القميص الفاقع البرتقانى ممكن اوى احمر والقماشه بتبقى شبه الستان او حجات كده شفافه او قماش مخرم وغالبا هتلاقى على وشه اثار مطواه هنا او هناك مع ايدين اقذر ما يكون وضوافر طويله اوى ومش نضيفه ابدا وده بيتفاوت من سواق للتانى وبيتفاوت برده الذوق فى الاغانى على حسب درجه رقى السواق النوعيه النوع الكلاس يعنى بيسمعى شعبان عبد الرحيم وايههههههههه طول الطريق وحتى طارق الشيخ اما سعد الصغير فده لاستهلاك الطبقات شبه الشعبيه ميمشيش خالص مع الاخوه دول
مع النوع ده من السواقين ببقى قاعده ميته فى جلدى وصوت السماعات هيخرق ودنى بس طبعا مقدرش افتح بقى واقوله تلت التلاته كام جربت اعملها قبل كده قولت للسواق بكل ادب واحترام ممكن تهدى الصوت شويه لقيته بصلى بصه كده ولقيته بيتكلم بصوت مستحيل يكون صوت بنى ادم وباعلى صوته ايه يا ست هو انتى هتشترونا ولا ايه مش عاجبك انزلى فى ستين داهيه كان شويه وهيطلعلى المطواه لولا انى طبعا مش بخاف ولا حاجه اديتله الاجره كامله مع انه مكانش مشى 100 متر وطلعت اجرى
من ساعتها لو لقيت حظى مع سواق من النوع ده بلزم الادب ومنطقش طول الطريق
النوع ده من السواقين فى الغالب هتلاقى ريحه التاكسى بتاعته مش طبيعيه دخان سجاير غير عادى وغاليا مش سجاره بريئه ولانى عندى حساسيه من السجاير ومش ناويه اجرب البانجو او الحشيش يعنى فبكتم نفسى لغايه موصل او افتح الشباك لو حسيت ان الاخ المبجل السواق مش هيعترض
النوع b من السواقين هو عمو السواق
بيبقى متوسط العمر فى الخمسين فيما فوق والتاكسى بتاعه قديم ويقعد يرغى طول السكه عن الاحوال المقرفه فى مصر وعن الحال الى وصلناله وعن عياله الى فى المدرسه وعن ذكرياته عن الثوره وعن حجات كتيره متنوعه بتبقى على وشه طيبه كده وبيبقى مشغل اذاعه الاغانى وبيسمع شاديه وام كلثوم باستمتاع رغم القرف الى شايفه ساعتها انا ببقى مطمنه وقاعده فى هدوء وممكن اشارك بالرغى معاه وياريت كل يوم الاقى النوع ده من السواقين صحيح المطبات بتبهدلنى وبوصل متأخره لانه بيسوق على اقل سرعه بس احساس الامان لا يستهان بيه برده

النموذج التالت من السواقين -انا بلا فخر-


اظن انى ذكرته مره فى بوست من البوستات بيكون اصغر من النوع الى قبله وعاده بيقولى يا مودام او يا ابله وبرده من هواه الرغى بس مش رغى زى النوع السابقى هو رغى من نوع قصر ديل يا اذعر عاده بتبقى حماته مطلعه عينه ومراته بتصبحه كل يوم بعلقه وبتمسيه بعلقه برده فمبيصدق ويلاقى اى بنت او ست تركب معاه ويقعد يشتم فى كل انواع المؤنث الى خلقها ربنا المفتريين الظلمه الى مبوظين الكون يرجع يقول بعد كده بس انا لا انما حديث الستات ده ميجبش معايا انا اقول الكلمه فى البيت معدهاش - اه طبعا لان المدام بتكون كسرت عليه جوز اطباق قبل ميفكر يعدها- فى الحاله دى ببتسم انا فى هدوء او فى خبث -الى تشوفوه بقى- واقوله طبعا طبعا بيحس هو ساعتها بالسعاده المتناهيه قبل متصدف وتتصل بيه المدام او حماته وفى حاله نادره تركب معانا ودى حصلت مره روحت ساعتها بيتنا مش قادره ابطل ضحك
النوع الرابع بقى بيبقى عامل فيها عمو المهم
نضاره شمس متتقلعش وبنطلون وقميص رسميين جدا كأنه سايق ليموزين ومش بيتكلم طول الطريق والنوع ده بيريحنى جدا خصوصا لو المشوارطويل وغالبا مش بيشغل اغانى وببقى برده حاسه بالهدوء والسلام النفسى

النوع الخامس بقى عمو الشيخ

وده بيقى لابس ابيض فى ابيض وحاطط طرحه بيضه على راسه احيانا ودقنه طويله اوى وغالبا بيدينى مجموعه من الهدايا زى النقاب يا اختى المسلمه وحكم ارتداء البنطلون وممكن اوى يشغلى شريط من الناس الى بيزعقوا دول عن حكم خروج المرأه للاسواق واختلاطها بالرجال والواجب انها تقعد فى بيتها -طب لما هو كده مركبنى ليه -

مره كنت راكبه مع واحد منهم وكان معاى مجله خاصه بالمكياج -مش بتاعتى والله واحده صاحبتى ادتهالى- ولان المشوار كان طويل طلعتها اخد فكره لقيت ده كل شويه يبصلى فى المرايه بقرف وعلى وشه ملامح استنكار عارمه
ابص على غلاف المجله ليكون فى حاجه يعنى كده ولا كده الاقى صوره ممثله لبسها محتشم نوعا امال ايه المهم عشان ميضايقش قلبت المجله بحيث يبقى فى مواجهته صفحه تانيه فيها كلام عن المكياج وصور لانواع وكده ومفيش صور بنات لقيت الاستنكار بيزيد والنظره على وشه اشد
وصلت بقى لمرحله هعملك ايه يعنى متتحرق وقعدت منسجمه مع المجله ومليش دعوه بيه بعد موصلت لقيته بيبصلى بقرف تانى وبيرمى على رجلى مجموعه من الكتيبات عن الحجاب الشرعى -النقاب يعنى- وحكم المتنمصه وحجات كده غريبه وان الى تحط مكياج على وشها وشها هيقع ويتحرق فى النار يوم القيامه غيظا فيه قولتله شكرا يا عمو واخدت الكتيبات ومشيت
النوع السادس بقى بيبقى صغير فى السن نوعا وشايف نفسه شويه وبيمشى على سرعه كبيره جدا بوصل فى فى معادى بس هبقى هموت خلاص وغالبا ممكن يتسابق مع سواقين الميكروباص وبتبقى الحياه سعيده وانا عماله بقول ربنا يستر اسوء ما فى الموضوع انه بيكون يأما مشغل تامر حسنى او عمرو دياب وانا مبطقيش الجوز
طبعا دى الانواع الشائعه من ملاحظاتى

انواع

المشاعر انواع
مشاعر دافئه تحملها لاهلك اصدقائك جيرانك كل من ترتبط بهم بصله شخصيه واحيانا لا يربطك بهم اى شئ سوى الشعور بالارتياح ناتج عن شعور انسانى ما جمعكما للحظه تجارب متشابهه لحظات سعاده او الم او تشابه فى الرأى وقتى قد يتولد مثل هذا الشعور بين غريبين تقابلا فى الطريق فتقابلت نظراتهما التى تحمل نفس الاحساس بؤس سعاده او فرحه تدوم لحظه قبل ان يمضى كلاهما فى طريقه اطلقت عليها دافئه لانها تذكرنى برائحه اعواد القرفه ودفئها فى ليل الشتاء نفس الشعور بالدفئ والاصاله
اما النوع الثانى فهى عكس النوع السابق تماما بارده مثلجه لها طعم الجليد نفس الطعم المميز للثلج المتراكم فى فريزر ثلاجتك قبل ان يطغى النو فروست على صناعه الثلاجات فى مصر وهذا النوع احمله لكثيرين لا اعرفهم ولا تجمعنى بهم صله هم فقط موجودون لهم حيز وعرض وارتفاع فى حياتى ولكن لا يعنوننى فى شئ وان كنت احترمهم واعاملهم بلطف من باب الذوق والادب العام اللتان ربتنى عليهما امى ولولا ذلك لما اكترثت حتى.

هناك نوع اخر من المشاعر مراوغ قليلا لا بالبارد ولا بالدافئ اشبه بنكهه النعناع تعطى احساسا بالبروده ولكنها ليست كذلك وليست ايضا دافئه هى فقط ملحه
تتعرف عليها من مراوغتها والحاحها الدائم عليك تحمل بروده تجعلك تظنها سلبيه التوجه فى لحظه وفى الاخرى تنقلب بك الى العكس تماما
لهذا شبهتها بالنعناع لانها مراوغه مثله يعطيك احساسا بالدفء مع الشاى فى ليالى الشتاء واحساسا بالانتعاش وهو مثلج مع الليمون صيفا او تجده ماثعا بدون طعم لو شرب وحده
هذا النوع يصيبك بالحيره خصوصا ان كنت مثلى تكره المراوغه وتفضل الصراحه وفى العاده تجاهلها يكون هو الحل الافضل فى انتظار ان تعلن عن نفسها بوضوح واذا لم تفعل اتركها كما هى فلم تكن لعبه البازل من هواياتى يوما